GENITALES Notae

GENITALES Notae

apud Amm. Marcell. l. 22. c. 14. Est einm Apis bos diversis genitalium notarum figuris expressis, maximeque omnium corniculantis lunae specie latere dextero insignis; Graecis sunt τὰ ἔμφυτα σημεῖα, quas ingenitas et ingenuas notas vocat Solin. c. 32. genitivas Suet. in Aug. c. 80. Corpore traditur maculoso, dispersis per pectus atque alvum genitivis notis in modum et ordinem ac numerum stellarum caelestis Urae. Notam generis naturalem, Iustin. l. 15. c. 4. ubi de Seleuco: Originis eius argumentum etiam in posteris mansit: Siquidem filii nepotesque eius, anchoram in femore (quae nata cum Seleuco parvulo fuerat) veluti notam generis naturalem habuêre. Ingenitum signum, de eodem agens Auson. ubi de Antiochia: Clar. urb. 3. v. 10. et seqq.

—— Illa Seleucum

Nuncupat, Ingenuum, cuius fuit anchora signum,

(Qualis inusta solet) generis nota certa. per omnem

Nam subolis seriem nativa cucurrit imago.

De cuiusmodi Notis haud protrita observavit Mich. Piccardus Dec. 1. c. 7.